Har Ek Bat Pe Kahate Ho Tum Ke Tu Kya Hai | Mirza Galib Urdu Poetry

urdu poetry, shayari, mirza galib poetry, urdu poetry images, love shayari, urdu shayari, urdu gazals, love poetry, sad urdu poetry, best urdu poetry, romantic poetry, love urdu poetry, hindi shayari,

Har Ek Bat Pe Kahate Ho Tum Ke Tu Kya Hai
Tumhi Kaho Ke Ye Andaz-E-Guftagu Kya Hai 


Na Shole Men Ye Karishma Na Barq Men Ye Ada
Koi Batao Ki Vo Shokh-E-Tundakhu Kya Hai

Ye Rashk Hai Ki Vo Hota Hai Hamasukhan Hamase
Vagarna Khauf-E-Badamozi-E-Ad Kya Hai

Chipak Raha Hai Badan Par Lahu Se Pairahan
Hamari Jeb Ko An Hajat-E-Rafu Kya Hai

Jala Hia Jism Jahan Dil Bhi Jal Gaya Hoga
Kuredate Ho Jo Ab Rakh Justaju Kya Hai

Ragon Men Daudate Phirane Ke Ham Nahin Qayal
Jab Ankh Hi Se Na Tapaka To Phir Lahu Kya Hai

Vo Chiz Jisake Liye Hamako Ho Bahisht Aziz
Sivae Bada-E-Gulfam-E-Mushkabu Kya Hai

Piyun Sharab Agar Khum Bhi Dekh Lun Do Char
Ye Shisha-O-Qadah-O-Kuza-O-Subu Kya Hai

Rahi Na Taqat-E-Guftar Aur Agar Ho Bhi
To Kis Ummid Pe Kahiye Ke Arazu Kya Hai

Bana Hai Shah Ka Musahib, Phire Hai Itarata
Vagarna Shahar Men "Ghalib" Ki Abaru Kya Hai 


By: Mirza Asadullah Khan Galib

Kishmiish.com 
#Kish-Miish-U-So-Much 

urdu poetry, shayari, mirza galib poetry, urdu poetry images, love shayari, urdu shayari, urdu gazals, love poetry, sad urdu poetry, best urdu poetry, romantic poetry, love urdu poetry, hindi shayari,

Follow Us on Instagram