Koi Umeed Bar Nahi Aati | Mirza Galib Urdu Poetry

urdu poetry, shayari, mirza galib poetry, urdu poetry images, love shayari, urdu shayari, urdu gazals, love poetry, sad urdu poetry, best urdu poetry, romantic poetry, love urdu poetry, hindi shayari,


Koi umeed bar nahi aati
koi soorat nazar nahi aati

Maut ka ek din muayyan hai
neend kyun raat bhar nahi aati

Aage aati thi dil pe hassi
ab kisi baat par nahi aati


Jaanta hoon sawab e ta’at o zohd
par tabiyat idhar nahi aati

Hai kuch aesi hi baat ‘ jo chup hoon
warna kya baat kar nahi aati

Kyun na cheekhun ke yaad karte hain
meri awaz gar nahi aati

Daagh e dil gar nazar nahi aata
boo bhi aey chara gar nahi aati

Hum wahan hain ‘ jahan se hum ko bhi
kuch hamari khabar nahi aati

Marte hain aarzoo mein marne ki
maut aati hai par nahi aati

Kaabe kis munh se jaoge ghalib
sharm tumko magar nahi aati


By: Mirza Assadullah Khan Galib

Kishmiish.com 
#Kish-Miish-U-So-Much 



Follow Us on Instagram